ЭЛОН МАСК ЦАГААН ОРНЫГ ОРХИНО

Тэрбумтан Элон Маск АНУ-ын Ерөнхийлөгч Дональд Трампын зөвлөхийн ажлаа орхиж байгааг “Politico” мэдээллээ. Трамп: ирэх долоо хоногуудад Цагаан ордны албан тушаалаасаа бууна гэжээ. Ерөнхийлөгч Трамп Маскийн засгийн газрын бүтээмжийг нэмэгдүүлэх чиглэлээр хийсэн ажлыг өндрөөр үнэлж байгаа ч түүнийг компаниуддаа эргэн анхаарах цаг нь болсон гэж үзжээ. “Politico”-ийн мэдээлснээр, Трампын зарим холбоотнууд Маскийн тааварлашгүй ааш авирт бухимдаж, түүнийг улс төрийн эрсдэлтэй хүн гэж үзэх болсон гэжээ.

Түүнчлэн Трамп өнгөрсөн 3 сарын 24-нд болсон Засгийн газрын хуралдааны үеэр Маскийн ажлаа өгөх тухай дотооддоо мэдээлсэн гэж эх сурвалжууд хэлжээ. Харин Маскийн Цагаан ордноос гарч байгаа тухай мэдээ хөрөнгийн зах зээлд нөлөөлж, түүний цахилгаан автомашины компани Tesla-ийн хувьцааны үнэ ердөө 20 минутын дотор 6 хувиар өсөж, 281 долларт хүрсэн байна. Одоогоор АНУ-ын засгийн газар болон Маск энэ талаар ямар нэгэн тайлбар хийгээгүй байна.