ШВЕЙЦАРЫН НИЙТИЙН ТЭЭВЭР 2025 ОНЫ ШИНЭ ЦАГИЙН ХУВААРЬТ ШИЛЖИНЭ

Швейцарийн төмөр замын сүлжээ ирэх сарын 12-ноос эхлэн 2025 оны цагийн хуваарьт шилжинэ. Тодруулбал сүүлийн 20 жилийн хугацаанд хийсэн хамгийн том цагийн хуваарийн өөрчлөлт гэж Швейцарын тээврийн газар онцолж байна.

ХОЛБОЛТУУДЫН ТУХАЙД:

-Zürich-München: Чиглэлд нэмэлт галт тэрэг гарна. Ингэснээр аялагчид тус чиглэлд өглөө оройдоо шинэ холболттой болно.

-St.Gallen-Zürich: Чиглэлд нэмэлт IC5 холболт

-Genève-Aéroport-Locarno: Шинээр бямба гарагт Bern-ээр дамжин шууд холболт.

Мөн туршилтаар шинэ хэд хэдэн холболтууд хийхээр төлөвлөсөн бөгөөд холын зайн галт тэрэг завсрын буудлуудад зогсдог болно. Түүнчлэн Швейцарт болох 2025 оны эмэгтэйчүүдийн хөлбөмбөгийн Европын аварга шалгаруулах тэмцээн зэрэг томоохон арга хэмжээнд зориулж 1600 орчим нэмэлт галт тэрэг үйлчилгээнд гаргахаар төлөвлөж байгааг мэдэгджээ.