Швейцар болон Австрийн өмнөд хэсэг, Алипын нуруунд байрлах “Zermatt” хотын цанын бааз цасан нурангид өртөж 3 хүн амиа алдаж, 1 хүн шархадсан талаар Швейцарын цагдаагийн газраас өнөөдөр мэдэгдлээ. Швейцарын онцгой байдлаас аврах ажиллагааг нэн даруй эхлүүлсэн бөгөөд амиа алдсан 3 хүнийг олж даваа гарагийн үүрээр доош буулгасан. Одоогоор нас барсан хүмүүсийн нэр насыг зарлаагүй бөгөөд дахин хэдэн хүн дарагдсан эсэх нь тодорхойгүй байна. Тус бүсэд их хэмжээний цас орсны улмаас эрэн хайх ажиллагаа хүндрэлтэй байгааг тус хотын цагдаагаас мэдэгдлээ. Мөн Швейцарын Цасан нуранги судлалын хүрээлэнгээс Алипын нурууны өмнөд хэсэгт маш хүчтэй цасан нуранги үүсэх төлөвтэй байгааг анхааруулж байна.
Comments