ХАМБУРГ ХОТЫН BINNENALSTER НУУРЫН ЭРЭГ ДЭЭРХ АВАРГА ХАЛИМ

Хамбург хотын Jungfernstieg гудамжаар явж байсан олон хүний анхаарлыг Бинненальстер нуурын эрэг дээрх аварга том халим татлаа. Гэхдээ энэ нь бодит халим биш харин урлагийн бүтээл юм. Ойролцоогоор 15 метр урт халимны барималыг элсэн дээр бүтээсэн нь үнэхээр бодит мэт харагдана. Хамбург хотын захиргаанаас энэхүү урлагийн бүтээлээр уур амьсгалын өөрчлөлтийн үр дагаврыг олон нийтэд ойлгуулахыг зорьж Кампнагель соёлын төвөөс санаачилсан урлагийн акц гэжээ. Уг урлагийн акц нь 3 өдөр үргэлжлэх бөгөөд энэ хугацаанд өдөр бүр 6 уран бүтээлч эрдэмтэн судлаачийн дүр бүтээж байгаа нь хүмүүсийн анхаарлыг илүү татаж байна.