1994 онд Luc Besson-ны зохиолыг бичиж найруулсан Францын адал явдалт, триллер кино дэлгэцнээ гараад 30 жил болжээ. Киноны гол дүр болох Леоны дүрд Jean Reno , Матильда охины дүрд Natalie Portman нар тоглосон юм. Гол дүрийн жүжигчин Жан Рено 1948.7.30-нд Мароккогийн Касабланка хотод төрсөн, Францын жүжигчин юм. Харин Матильда охины дүрийг бүтээсэн жүжигчин Natalie Portman нь 1981.6.9-нд төрсөн, Израил гаралтай Америкийн жүжигчин юм. Мөн тэрээр кино жүжигчний карьераа “ LEON” киногоор маш амжилттай эхлүүлжээ. Кино зохиолын үйл явдал нь 12 настай Матильда Ландо охин авлигад автсан мансууруулах бодистой тэмцэх газрын төлөөлөгчийн гарт гэр бүлээ алдсаны дараа хөрш болох мэргэжлийн алуурчин Леоны тусламжийг авч цаашлаад түүний шавь болж байгаагаар үйл явдал өрнөдөг.
Уг кино нь 1994 оны 9-р сарын 14-нд Францад болон олон улсад нээлтээ хийсэн бөгөөд шүүмжлэгчдээс ихэвчлэн эерэг үнэлгээ авч байжээ. Кино нь нээлтээ хийсэн даруйдаа маш их амжилт олж дэлхий даяар 18,662,979 тасалбар борлуулсан. Францад нээлтээ хийсэн долоо хоногтоо 26,8 сая франк (5,1 сая доллар) олсон бөгөөд гурван долоо хоногийн турш кино театрын үзвэр, борлуулалтыг тэргүүлж, Францад нийтдээ 3,623,153 тасалбар борлуулж байжээ.
Comments