СТАМБУЛ ХОТЫН ДАРГЫГ СУЛЛАХЫГ ШААРДСАН ЖАГСААЛ ӨРГӨЖИЖ БАЙНА

Бямба гаригт Стамбул хотын дарга Экрем Имамоглугийн баривчилгааг эсэргүүцсэн томоохон жагсаал болов. Тус жагсаалыг зохион байгуулсан сөрөг хүчин Туркийн Бүгд Найрамдах Ардчилсан Намаас жагсаалд нийт 2.2 сая хүн оролцсон гэж мэдээлжээ. Тус Эсэргүүцлийн жагсаалын үеэр хууль сахиулах байгууллагаас 1900 хүнийг баривчилжээ.

Хоригдоод байгаа Имамоглу нь Туркийн Ерөнхийлөгч Режеп Тайип Эрдоганы гол өрсөлдөгчдийн нэг бөгөөд гуравдугаар сарын 19-нд авлига, терроризмтой холбоотой хэргээр баривчлагдсан. Олон хүн уг хэргийг улс төрийн зорилготой гэж үзэж, сөрөг хүчний удирдагчийг зайлуулах гэсэн оролдлого гэж үзэж байгаа юм.