ПАРИСЫН GARE DU NORD ӨРТӨӨНӨӨС 2-Р ДАЙНЫ ҮЕИЙН ТЭСРЭХ БӨМБӨГ ИЛЭРЧЭЭ

Парисын Gare du Nord галт тэрэгний буудлын төмөр замын шугам доороос дэлхийн 2-р дайны үеийн тэсрээгүй бөмбөг олджээ. Одоогоор цагдаа нар галт тэрэгний хөдлгөөнийг бүрэн зогсоож бөмбөгийг аюулгүй болгон зайлуулах ажиллагаа явуулж байгаа бөгөөд 11:00 хүртэлх чиглэлүүд цуцлагдаад байна. Тэсрэх бөмбөгийг шөнийн засварын ажлын үеэр илрүүлжээ.

Eurostar компанийн вебсайт дээрх мэдээллээр, Баасан гарагт 10:30 GMT-аас өмнө Лондонгоос Парис руу явах байсан бүх галт тэрэгний хөдөлгөөнийг цуцалсан бөгөөд мөн Парисаас Лондон руу орон нутгийн цагаар 11:00 (GMT 10:00)-аас өмнө явах байсан бүх галт тэрэгний хөдөлгөөн цуцлагдсан гэжээ. Тус компани зорчигчдод тасалбараа үнэ төлбөргүй солиулж, боломжит суудлын хүрээнд өөр цаг эсвэл өдөр сонгон явах боломжтой гэж мэдэгджээ.