МЬЯНМАРТ ГАЗАР ХӨДЛӨЛТИЙН УЛМААС 1000 ГАРАН ХҮН АМИА АЛДЖЭЭ

Баасан гарагт орон нутгийн цагаар 14:20 минутын орчим Мьянмар улс хүчтэй газар хөдлөлтөд нэрвэгдсэн. Тайландын эрх баригчид газар хөдлөлтийн хүчийг 8.2 балл хэмээн мэдээлсэн бол Германы Потсдам дахь Гео-шинжлэх ухааны төв 7.6 балл гэж тогтоожээ.

Мьянмарын засгийн газар одоогийн байдлаар 1000 гаруй хүн амь үрэгдэж, 2000 гаруй хүн гэмтэж бэртсэн болохыг баталсан бөгөөд энэ тоо цаашид өсөх магадлалтай байна. Энэхүү хүчтэй доргилт нь Тайланд, Хятад, Вьетнам хүртэл мэдрэгджээ.