ИТАЛИЙН РОМ ХОТОД ХҮЧТЭЙ ДЭЛБЭРЭЛТ БОЛЖ ГУРВАН ДАВХАР БАРИЛГА НУРЖЭЭ

2025 оны 3-р сарын 23-ны өглөө Ром хотын Монтеверде дүүргийн Via Vitellia гудамжинд хүчтэй дэлбэрэлт болж, олон давхар барилга сүйдсэн талаар Corriere della Sera сонин болон ANSA агентлаг мэдээллээ. Corriere della Sera-гийн мэдээлснээр барилга 3 давхар байжээ. Дэлбэрэлт өглөөний 09:00 цагийн үед болсон бөгөөд гэрчүүдийн хэлснээр “бөмбөг дэлбэрэх мэт” чанга дуу гарч, ойр орчмоор нь хийн хурц үнэр тархсан байна. Цагдаа, гал сөнөөгчид газар дээр нь шуурхай ажиллаж, нэг эмэгтэйг нуранги дороос амьд гарган авчээ.

Урьдчилсан мэдээллээр, нурангид дарагдсан өөр хүн байхгүй гэж үзэж байна. Одоогоор мөрдөн байцаалтын ажиллагаа явагдаж байгаа бөгөөд дэлбэрэлтийн шалтгаан хийн баллон байж болзошгүй гэж үзэж байна. Цагдаа нар бүс нутгийг бүрэн хашиж, хяналтандаа авчээ.

Эх сурвалж: Corriere della Sera