top of page

Гоёмсог. Хүчирхэг. Гайхалтай

ИТАЛИД АЯЛЛЫН АВТОБУС ДАЛАН ДЭЭРЭЭС ГОЛД УНАЖ, ЖОЛООЧ НЬ АМИА АЛДЖЭЭ

Италийн хойд хэсэгт орших Turin хотын төвд аяллын автобус Po голд унаж осолдсоны улмаас 64 настай жолооч амиа алджээ. Тодруулбал 2025 оны 3-р сарын 26-ны Лхагва гарагийн 17:30 минутын орчимд осол Витторио Эмануэль I гүүрний ойролцоох зогсоол дээр гарчээ. Автобус ухрах үедээ далангийн хашлагыг мөргөж улмаар гол руу унасан байна.

Осол гарах үед автобусанд зорчигчид байгаагүй бөгөөд харамсалтай нь 64 настай автобусны жолооч амиа алджээ. Аврах албаныхан түүнийг уснаас гаргаж 20 минутын турш сэхээн амьдруулах гэж оролдсон ч амийг нь аварч чадаагүй байна.

Одоогоор ослын шалтгааныг буруу маневр хийсэн байх магадлалтай. Мөн жолоочийн бие гэнэт муудаж, ухаан алдсан байж болзошгүй гэж урьдчилсан байдлаар таамаглаж байна.

Comentarios


© 2023 Journas. Powered by EuronewsMN

bottom of page