CS2 Major тэмцээн Дани улсын Копенгаген хотод эхэллээ.1.25 сая ам.долларын шагналын сантай тус тэмцээнд тив бүрийн шилдэг 24 баг өрсөлдөж байна. Оролцогчдын дунд Ази, Номхон далайн бүс нутгийг төлөөлөн Монголын The MongolZ баг тоглож байна. Тэгвэл өчигдөр буюу 3 сарын 18-нд Монголын баг ОХУ-ын АМКАЛ багтай тоглож хожил авч чадлаа. Эхний өдөр “The MongolZ” Туркийн “Eternal Fire”, Данийн “ECSTATIC” багуудад хожигдсон улмаар шийдвэрлэх тоглолтод ОХУ-ын багтай тоглож 13:10 харьцаатай хожиж тэмцээнийг цааш үргэлжлүүлэх боломжтой боллоо.
Ингэснээр ОХУ-ын “AMKAL” гэртээ харьсан бол өнөөдөр 20.00 цагаас Манай улсын “MongolZ” баг БНХАУ-ын “Lynn Vision Gaming” багтай тоглоно. Ялсан баг тэмцээнийг үргэлжлүүлж, хожигдсон баг нутаг буцна. Энэ хоёр багийн хувьд Ази тивд олон удаа таарч байсан бөгөөд сүүлийн гурван тоглолтдоо The MongolZ хожсон. Монгол улсынхаа баг тамирчдад амжилт хүсье.
Comments