Европын хөдөлмөрийн зах зээл жил ирэх тусам өөрчлөгдөж байна. Нэлээдгүй салбар, үйлдвэрүүд халгаа барьж зарим мэргэжлүүд үнэгүйдэж байгааг “JOBWORLD” мэргэжлийн судалгааны компани мэдэгдэж байна. Тиймээс ирээдүйд цомхотгох аюулд өртөхгүй болон эрэлт өсөх хандлагатай ажлын байр, мэргэжлүүдийг ангилан жагсаалтыг хүргэж байна.
№1. Математикийн шинжлэх ухаан, компьютер, байгалийн ухаан, технологи гэх мэт чиглэлээр мэргэшсэн боловсон хүчин европ даяар дутагдалтай байгаа тул ирээдүйд дээрх мэргэжлүүд аюулгүй ангилалд багтжээ.
№2. Технологийн хэрэглээ нэмэгдэж байгаатай холбогдуулан техникийн хөгжил, программчлал, хиймэл оюун ухаан болон SEO (хайлтын системийг оновчтой болгох) чиглэлээр мэргэшсэн мэргэжилтнүүд одоо болон ирээдүйд нэн шаардлагатай ангилалд багтжээ. Зарим чиглэлээс дурдвал программист, программ хангамж хөгжүүлэгч, Мэдээллийн технологийн зөвлөх, хиймэл оюун ухааны мэргэжилтнүүд мөн тоглоом хөгжүүлэгч гэх мэт.
№3. Химийн болон эмийн үйлдвэрийн мэргэжилтэн, эмийн санч, хүнсний технологи, химийн лаборатори, аж үйлдвэрийн чиглэлүүд баталгаатай мэргэжлүүд ангилалд багтжээ.
Харин та өндөр цалинтай ажил хийх хүсэлтэй байгаа бол мэдээж зохих чадвартай байх ёстой. Жишээлбэл ахлах эмч эсвэл эмч, онгоцны нисгэгч, Агаарын хөдөлгөөний зохицуулагч, нотариатч хуульч, мэдээллийн технологийн менежмент, эмч төлөөлөгч гэх ажлын байрууд Европын орнуудад хамгийн өндөр цалинтай бөгөөд одоо ч ирээдүйд ч хэвээр байх төлөвтэй байгаа юм.
Kommentare