ГЕРМАНЫ ХАМГИЙН ТОМ ПАРК "EUROPA-PARK"-ИЙН НЭЭЛТИЙН ТАСАЛБАР ДУУСЧЭЭ

VOLTRON: ГАЛЗУУ ХУЛГАНА

Германы хамгийн том тоглоомын парк Europa-Park энэ жил 50 жилийнхээ ойг өргөн тэмдэглэхээр төлөвлөжээ. Ойн баярын шинэ улирал албан ёсоор 3-р сарын 22-нд (Бямба гаригт) эхэлнэ. Гэхдээ парк энэ 3-р сарын 15-нд (Бямба гариг) үзэгчдэд зориулсан урьдчилсан нээлт хийх бөгөөд тус өдрийн тасалбарууд өөрийн вебсайтад дуусчээ. Мөн шинээр интерактив тоглоом ашиглалтад орох бөгөөд “Grand Prix EDventure” нэртэй энэхүү тоглоомоор зочид маскот Ed, Edda нартай хамт Европоор аялаж, уралдах боломжтой юм. Мөн тус тоглоом дээр суурилсан шинэ кино гаргахаар төлөвлөсөн тухай мэдээлжээ.

ЕUROPA-PARK 50 ЖИЛ

Түүнчлэн Europa-Park энэ жилээс Монако вант улсын сэдэвчилсэн бүстэй болж байгаа. Энэ нь парк доторх 18 дахь улс болсон тухай тус паркийн захирал Роланд Макк албан ёсоор зарласан байна. Тасалбарын тухайд шинэ улиралд тасалбарын үнэ 5%-иар өссөн байна. Тодруулбал энгийн тасалбар нэг хүний 64.50 евро (хамгийн багадаа) харин зуны улиралд 73 евро хүрнэ гэжээ.