ГЕРМАНЫ ХАМГИЙН БАЯН ХҮН ШИНЭЭР ТОДОРЛОО.

“Manager“ сэтгүүл жил бүр Германы хамгийн баян 500 хүний жагсаалтыг гаргадаг. Тэгвэл 2024 оны Германы тэрбумтны жагсаалтыг Lidl сүлжээ дэлгүүрийн үүсгэн байгуулагч Dieter Schwarz тэргүүллээ. Түүний хөрөнгө өнөөдрийн байдлаар 43,7 тэрбум евро байгаа юм. Харин алдарт BMW-ийн томоохон хувьцаа эзэмшигчид болох Susanne Klatten, Stefan Quandt нар хоёрдугаар байрт бичигджээ.

Manager сэтгүүлд нийтэлснээр одоогоор Германд 249 тэрбумтан байгаа бөгөөд энэ нь өнгөрсөн жилийнхээс 23 тэрбумтнаар нэмэгдсэн гэдгийг онцолжээ. Тус судалгааг үл хөдлөх хөрөнгийн агентууд, хуульч, банкирууд зэрэг мэргэжлийн хамтарсан баг баримтад тулгуурлан гаргадаг байна.