ГАДААД УЛС ОРОНД АЯЛАХ ЗӨВЛӨМЖ

Гадаад оронд богино болон урт хугацаагаар аялах гэж байгаа бол та дараах зүйлсийг эхний ээлжид анхаарах хэрэгтэй. Таны гадаад паспорт ямар нэгэн гэмтэлгүй байх, хүчинтэй хугацаа 6 сараас дээш байх. Хэрэв таны паспорт нь энэ шаардлагыг хангаагүй бол зарим улс нэвтрэхийг хориглох тохиолдол гарч болзошгүй. Мөн та гадаад паспорт, даатгалын баримт, виз зэрэг чухал бичиг баримтуудыг нэг хувь хэвлэж авч явах нь илүүдэхгүй. Мөн хуулбар болон эх хувийг тусад нь хадгалахыг зөвлөж байна.

Та үйлчилгээ авахдаа олон улсын банкны карт ашиглаж болох ч зайлшгүй бага хэмжээний бэлэн мөнгийг заавал биедээ авч явах хэрэгтэй олон улсын жишгээр доллар авч явах нь илүү тохиромжтой бөгөөд тухайн улсын валют солих цэгт мөнгөн тэмдэгтээр нь солиулах боломжтой. Бага мөнгөнд ханшийн зөрүү их гарахгүй. Хамгийн чухал нь тухайн газрынхаа цаг агаар, цагийн зөрүү, ард түмнийх нь ёс заншлыг урьдчилан судалж мэдсэн байх. Энэ нь таныг илүү ая тухтай сонирхолтой аялахад маш их хэрэг болно.

Мөн өөрт тохирох эм бэлдмэлийг бага хэмжээгээр авч явах хэрэгтэй. Мөн ачаандаа бүх төрлийн хутга, хурц үзүүртэй зүйлс, тоглоомон буу, ташуур, гав, урсдаг зай, шингэн зүйлс, бүх төрлийн сүү, сүүн бүтээгдэхүүн, мах махан бүтээгдэхүүн, архи 1-ээс дээш, нойрсуулах бодистой эм, тариаг хил гаалиар гарах хориотой.