Г.ТӨГӨЛДӨР ЧЕХИЙН ХӨЛБӨМБӨГИЙН ДЭЭД ЛИГИЙН КЛУБТЭЙ ГЭРЭЭ БАЙГУУЛЛАА.

Чехийн дээд лигийн “Ческе Будеёвице Динамо” клуб өчигдөр хоёр тоглогчтой шинэ гэрээ байгуулснаа зарласан бөгөөд тэдний нэг нь Монголын хөлбөмбөгийн тамирчин Г.Төгөлдөр юм. Г.Төгөлдөр тус клубтэй 2028 он хүртэл мэргэжлийн тамирчны гэрээ байгуулсан байна. Тэрбээр Монголын "Арвис" клубээс гараагаа эхлүүлж, өсвөр үеийнхний хэд хэдэн тэмцээнд оролцож байгаад 2020 онд гэр бүлийн хамт Чехийг зорьсон юм. Г.Төгөлдөр Чехэд суралцахын хажуугаар 19 хүртэлх насны өсвөрийн багт тоглож, 2023 оны 11 дүгээр сард Чехийн дээд лигт анх удаагаа тоглож байжээ. Түүнчлэн одоо 20 настай тамирчин маань энэ улиралд клубийнхээ Б багт найман тоглолтод оролцохдоо гурван гоол оруулсан амжилттай, одоогоор бэртэлтэй байгаа тул талбайд шууд гарах боломжгүй байгаа гэжээ.