АВСТРИ УЛС 14-ӨӨС ДООШ НАСНЫ ОХИДЫГ ТОЛГОЙН АЛЧУУР ЗҮҮХИЙГ ХОРИГЛОНО

Австрийн шинэ засгийн газар цагаачлал, интеграцийн бодлогыг чангатгах талаар мэдэгдэл хийлээ. Үүнд 14-өөс доош насны охидыг хижаб буюу толгойн алчуур зүүхийг хориглох тухай шийдвэр багтаж байна.

Засгийн газрын тус хориг нь охидыг “нийгмээс тусгаарлагдах, дарамт шахалтад орохоос” хамгаалах зорилготой гэж тодорхойлжээ. Үүнийг цагаачдын интеграцийн нэг хэсэг гэж онцоллоо.

Мөн шинэ засгийн газрын хуулийн төсөлд цагаачлалын бодлогыг чангатгах, нийгмийн халамжийг бууруулах, Туркийг ЕХ-нд элсэх үйл явцыг зогсоох зэрэг саналуудыг тусгасан байна. Түүнчлэн ирэх даваа гарагт Австрийн шинэ засгийн газар тангараг өргөснөөр тус шийдвэрүүд баталгаажих юм байна.