UEFA EURO 2024 ГЕРМАН УЛСАД ЗОХИОН БАЙГУУЛАГДАНА

 УЕФА ЕВРО 2024 буюу 17 дахь удаагийн хөлбөмбөгийн Европын аварга шалгаруулах тэмцээн 2024 оны зургаадугаар сарын 14-нөөс долоодугаар сарын 14-ний хооронд ХБНГУ-д зохиогдно. Энэ нь Герман улс 1988 оноос хойш хоёр дахь удаагаа Европын аварга шалгаруулах тэмцээнийг зохион байгуулж байгаа тохиолдол юм.Тус шийдвэр 2018 оны есдүгээр сарын 27-ны өдөр УЕФА-гийн Гүйцэтгэх хорооноос шийдвэрлэсэн бөгөөд 2024 оны Европын аварга шалгаруулах тэмцээнийг зохион байгуулах эрхийн төлөөх цорын ганц өрсөлдөгч нь Турк улс байсан юм. Герман улс 2006 онд хөлбөмбөгийн дэлхийн аварга шалгаруулах тэмцээнийг амжилттай зохион байгуулж байсан түүхтэй.