Skytrax World Airport Awards “Дэлхийн шилдэг нисэх онгоцны буудал” шалгаруулах 2024 ёслолын арга хэмжээ Франкфурт хотын Зорчигч терминалын ЭКСПО-д боллоо.
Катарын “Хамад” нисэх буудал
2024 оны дэлхийн шилдэг нисэх онгоцны буудлаар Катарын “Хамад” нисэх онгоцны буудал шалгарсан бол түүний хүчтэй өрсөлдөгч дэлхийн 12 удаагийн аварга Сингапурын “Чанги” дэлхийн чансааны 2-р байрт бичигдлээ.
Сингапур “Чанги” нисэх буудал
Түүнчлэн энэ жил Ази тив маш хүчтэй өрсөлдсөн бөгөөд Сөүлийн “Инчон” нисэх онгоцны буудал дэлхийн чансааны гуравдугаар байрт бичигдэж 2024 оны дэлхийн хамгийн гэр бүлд ээлтэй нисэх онгоцны буудлаар шалгарчээ.
Сөүлийн “Инчон” нисэх Буудал
Харин Токиогийн “Ханеда” нисэх онгоцны буудал нь дэлхийн чансааны 4-р байранд бичигдэж хамгийн цэвэр нисэх онгоцны буудал номинацийн эзэн болсон юм.
Токиогийн “Ханеда” нисэх буудал
2024 оны ёслолын үйл ажиллагааны бусад онцлох үйл явдлуудаас дурдвал Германы Мюнхений нисэх онгоцны буудал 2024 оны Европын шилдэг ажилтны үйлчилгээ, төв Европын шилдэг нисэх онгоцны буудлаар шалгарлаа.
Мюнхений нисэх онгоцны буудал
Харин Ази тивийн шилдэг нисэх онгоцны буудлын ажилтнуудаар Токиогийн “Нарита”-гийн ажилчид шалгарсан юм. Ромын “Фиумичино” нисэх онгоцны буудал нь дэлхийн хамгийн шилдэг аюулгүй байдлын үнэлгээний шагналыг авсан бол Парисын “Шарль де Голль” нисэх онгоцны буудал дэлхийн хамгийн хямд өртөгтэй терминалаар тодорсон юм
Comments