KAUFLAND СҮЛЖЭЭ ДЭЛГҮҮР ХОЁР САЛБАРАА ХААЛАА

Германы хүнсний сүлжээ дэлгүүр Kaufland-ын агуулах болон дотоод үйл ажиллагааг харуулах зорилгоор RTL-ийн “Team Wallraff” нууц сурвалжлага хийсэн. Үүний дараа Kaufland Bad Tölz болон Homburg хот дахь хоёр салбараа хаажээ. Тэд хугацаа хэтэрсэн бүтээгдэхүүнийг дахин шошго наах мөн Хомбург дахь салбарын агуулахад маш их хулгана болон хулганы баас илэрсэн, хөргүүрүүд хэвийн ажилладаггүй, хөгцтэй бүтээгдэхүүн зарагддаг байсан гээд маш олон зөрчил ил болсон. Kaufland компани уг асуудлыг хүлээн зөвшөөрч, эдгээр салбаруудаа хааж, их засвар хийхээр болсон бөгөөд Герман даяарх 770 гаруй салбар дэлгүүрүүддээ чанарын хяналтын шинэ систем нэвтрүүлж, сургалтын арга барил, шалгалтын системээ сайжруулахаар болжээ.