Найзууд бол 1994-2004 онд бүтээгдсэн Америкийн ситком юм. Энэ цуврал нээлтээ хийснийхээ маргааш өдрөөс эхлээд АНУ-д асар их алдартай болсон. Гол дүрийн жүжигчид болох Женнифер Энистон, Куртени Кокс, Лиза Кудроу, Мэтт Леблан, Мэттью Перри, Дэвид Швиммер нар алдрын оргил өөд асар хурдтай урагшилсан гэж хэлэхэд болно. Цувралын ихэнх үйл явдал Нью-Йорк хотод өрнөдөг ч голдуу Калифорнид зураг авалтаа хийсэн байдаг. "Warner Bros" кино компаний бүтээл “FRIENDS” телевизийн дэлгэцээр гарснаас хойш 30 жилийн дараа ч дэлхий даяар асар их үзэлттэй цуврал хэвээр байсаар байна.
Нийт 10 бүлэг, 236 ангитай "Friends" 10 жилийн дотор түүхэн дэх хамгийн алдартай телевизийн цуврал болж чадсан юм. Хөгжилтэй бөгөөд энгийн дүрүүд хүмүүсийн амьдрал дунд шууд л орж ирсэн. Моникагийн мэдрэлийн өвчин, Рэйчелийн хувцас загварын хүсэл тэмүүлэл, Жойгийн дур булаам тэнэглэл, Чандлерын ёжтой хошигнол, Россын хайр дурлалын амьдралд тохиолдсон азгүйтэл, Фибигийн "Үнэртэй муур" зэрэг мөнхийн дуунууд гэх мэт дүр болгонд өөрийн гэсэн өвөрмөц онцлог бий.
Бүх цаг үеийн шүтэн бишрэгчид нь Friends цувралын анги бүр амьдралын ямар нэгэн сургамжаар төгсдөг. Хамгийн гол чухал сургамж нь Россоос ирсэн бөгөөд үзэгчдэд анхны болзоондоо савхин өмд өмсөж болохгүй гэдгийг ойлгоход тусалсан гэж санал хураалт хүртэл явуулж байсан түүхтэй. Мөн найзууд цуврал 1990-ээд оны загварын чиг хандлагыг тодорхойлж байсан.
Түүнчлэн цуварлын хамгийн чухал хэсэг бол дуу гэдэгтээ дэлхий санал нийлдэг. "Би чиний төлөө байх болно, Учир нь чи ч бас миний төлөө байдаг"... Бид үүнийг хэдэн зуун удаа сонссон гэдэгт итгэлтэй байна. Алли Уиллисийн аяыг нь зөвхөн өөрийн найзууддаа зориулж бичсэн нь дэлхийн бүх улсад алдаршжээ. Харамсалтай нь 6 найзын нэг жүжигчин Мэттью Перри өнгөрсөн жил буюу 2023.10.28 ны өдөр таалал төгссөн билээ.
Comments