Герман улсын Europa-Park хоёр жилийн хугацаанд бүтээн байгуулж барьсан шинэ галзуу хулгана болох "Voltron Nevera" нээлтээ хийлээ. Энэ нь Europa-Park-ийн 14 дэх галзуу хулгана бөгөөд нийт 1.4 км урт замтай, хэд хэдэн огцом эргэлт нь дэлхийн дээд амжилтыг шинэчилсэн байна. Тус тоглоом нь өдөрт 20,000 орчим хүнийг тээвэрлэх боломжтой. Зорчигчдын нас +8 байх ба 1.30 м-ээс дээш өндөртэй байх шаардлагатай юм. Онцлогийн тухайд “Voltron Nevera”-аар хүн доош буух үед 2.2 секунд жингүйдэх боломжтой. Мөн 105 градусын налуугаар дээрээс доош буух нь дэлхийн дээд амжилт гэж Europa Park цахим хуудаснаа бичжээ.
Түүнчлэн тус парк нь дэлхийн хамгийн их хүн зочилдог 25 цэцэрлэгт хүрээлэнгийн 19-р байранд ордог. Харин Европ тивдээ Парис Диснейлэнд, Эфтелингийн дараа орох 3 дахь том парк юм. Тус парктжилд дунджаар 6 сая гаруй хүн үйлчлүүлдэг байна.
Comments