QS World University Rankings 2024-ийг зарласан бөгөөд дэлхийн шилдэг сургуулиудын жагсаалтын эхний 10-н байрны 5-ыг европын их сургуулиуд эзэлсэн байна. 20 дахь жилдээ жил бүр гаргаж буй энэхүү үнэлгээг 17.5 сая эрдэм шинжилгээний бүтээлд дүн шинжилгээ хийж, дэлхийн өнцөг булан бүрээс ирсэн 240,000 гаруй эрдэм шинжилгээний багш, ажил олгогчдын шинжээчдийн дүгнэлтэд үндэслэн гаргадаг.
Жагсаалтыг танилцуулбал АНУ-ын Кембрижийн Массачусетсийн Технологийн Институт нийлбэр дүнгээр 100 оноо авч арван хоёр дахь жилдээ уг жагсаалтыг тэргүүллээ. Харин Их Британийн Кембрижийн их сургууль 99.2 оноогоор хоёрдугаар байрт орсон бол орон нутгийн өрсөлдөгч Оксфордын их сургууль 98.9 оноогоор 3-рт оржээ. Харвардын их сургууль 98.3 оноогоор дөрөвдүгээрт, 5-рт Стэнфордын их сургууль 98.1 оноогоор жагсжээ.
Удаах байруудад Лондонгийн Эзэн хааны коллеж, ETH Zurich-ийн их сургууль, Лондонгийн их сургуулийн коллеж тус тус оржээ. Тэгвэл европ тивийн шилдэг их сургуулиудыг тусад нь жагсаавал Кембрижийн их сургууль, Оксфордын их сургууль, Их Британийн Эдинбургийн их сургууль, Парисын их сургууль , Манчестерийн их сургууль, Германы Мюнхений Техникийн Их Сургууль нар жагсаалтыг тэргүүлж байна.
Comments