2024 ОНД ГЕРМАНД ҮЙЛДЭГДСЭН НИЙТ ГЭМТ ХЭРГИЙН 43%-ИЙГ ГАДНЫ ИРГЭД ҮЙЛДЖЭЭ

ХБНГУ-ын 2024 оны гэмт хэргийн шинэ статистик мэдээ гарсан байна. Тус тоон баримтад гадны иргэд гэмт хэрэгт ихээр холбогдсон нь анхаарал татаж байгаа талаар цагдаагаас мэдээллээ. Ялангуяа Берлин хотод хүн амины болон санаатайгаар хүний амь насанд халдах гэмт хэрэг огцом буюу 50 хувиар өсчээ. Тодруулбал 2024 онд Герман даяар нийт 117 хүн амины хэрэг бүртгэгдсэн нь 2023 оны 77 тохиолдолтой харьцуулахад 50 гаруй хувиар өссөн байна.

Том хотуудын гэмт хэргийн нөхцөл байдлыг авч үзвэл 2024 онд Берлинд нийт 539,049 гэмт хэрэг бүртгэгдсэн нь 2023 онтой харьцуулахад 0.4 хувиар өссөн буюу 2,352 гэмт хэрэг нэмэгдсэн үзүүлэлттэй байна. Гадаадын иргэдийн үйлдсэн гэмт хэргийн эзлэх хувь 43.9% д хүрсэн байна. Харин гэмт хэргийн илрүүлэлтийн түвшин харьцангуй бага, нийт хэргийн 45.5% нь шийдэгджээ. Франкфурт хотод гэмт хэргийн түвшин 1.5%-иар буурсан боловч гадаадын иргэдийн үйлдсэн гэмт хэргийн хувь 57.2%-д хүрсэн байна.

Түүнчлэн Залуучуудын бүлэглэлийн гэмт хэрэг 17.2 хувиар өссөн бөгөөд нийт гэмт хэрэгт сэжиглэгдсэн хүмүүсийн 18.1% нь 21-ээс доош насныхан байжээ. Үүнээс 5,000 гаруй нь 14-өөс доош насны хүүхдүүд байна