УНГАР УЛС
Унгар улс нь 93,030 хавтгай дөрвөлжин газар нутагтай ба Төв Европын бүсэд байрладаг.
Словак , Украин , Румын , Серби , Хорват, Словени , Австри зэрэг долоон улстай хиллэдэг далайд гарцгүй орон. Улсын нийт хүн ам нь 9.7 сая үүний ихэнх хувь буюу 98.3 хувь нь Унгар үндэстнээс бүрддэг
ТӨРИЙН ДАЛБАА БОЛОН БЭЛЭГДЭЛ
Унгар улсын төрийн далбаа нь ногоон цагаан, улаан өнгөнүүдээс бүрддэг. Энэхүү өнгөнүүдийг Унгар улс нь төрийн далбаандаа 1848 оноос хойш ашигласан ч 1957 онд одоогийн далбаагаа албан ёсоор ашиглаж эхэлсэн. Цагаан өнгө нь Унгар улсын голуудыг, ногоон өнгө уулсыг, улаан өнгө дайн тулааны үеэр урссан дайчдын цусыг бэлгэддэг. Унгар улсын үндэсний баярын өдөр нь наймдугаар сарын 20. Уг өдөр тус улсыг анх байгуулагдсан хэмээн үзэж бүх нийтээрээ амардаг. Унгар улсад албан ёсны үндэсний амьтан гэж байхгүй ч түүхийн үе явцад турул гэх шувууг ихэд бэлгэддэг байсан. Мөн үүнээс гадна Унгарын ариун титэм болон эртний унгар бичгийг ард түмэн нь бэлгэдэн хүндэлдэг.
БУДАПЕШТЫН АЛДАРТ ХАЛУУН РАШААН
Уншигч та бүхэн Монгол эх орныхоо Архангай аймгийн халуун рашаан сувиллуудыг сайн мэдэх байх тэгвэл яг үүнтэй адилхан Унгер улсын нийслэл хот Будапешт нь дэлхийн хамгийн олон тооны халуун рашаантай хот гэдгээрээ маш алдартай. Тэнд өдөрт дунджаар 70 сая литр халуун ус газрын гүнээс оргилон гарч байгалийн жакузаг бий болгодог байна. Түүнчлэн энэхүү рашаанууд нь эрүүл мэндэд сайн ба Ромын эзэнт гүрний үеэс эхлэн эмчилгээний зориулалтаар ашиглагдсаар ирсэн. Мөн Будапештын хаврын баяр нь нэлээдгүй алдартай бөгөөд үүнд оролцохоор дэлхийн өнцөг булан бүрээс уран бүтээлчид болон хамтлаг дуучид Унгар улсыг зорьдог. Учир нь тэнд залуучуудын хүсэн хүлээдэг маш том дуу хөгжмийн арга хэмээ зохион байгууллагддаг юм. Мэдээж тус баяын үеэр Унгар улсад нэг хоног өнгөрүүлэх зардал ойролцоогоор 150 ам.доллар болдог. Сонирхуулахад тус улсын засгийн газрын ордон нь Будапешт хотын хамгийн өндөр барилга бөгөөд Европын хамгийн эртний хууль тогтоох байгууламжуудын нэг юм. Бас нэгэн гайхмаар зүйл нь Монгол улс өнөөдрийг хүртэл метро мөрөөдсөөр байгаа бол Будапештын метроны зам нь 1896 онд бүтээгдсэн Европын хамгийн эртний метроны зам бөгөөд дэлхийд гуравдугаар байранд ордог. Мөн Будапешт хот нь Данубе гэх голоор Буда болон Пешт гэх хоёр хэсэгт хуваагддаг бөгөөд хэд хэдэн гүүрээр хоорондоо холбогддог.
УНГАР УЛС 22 ӨӨР ТӨРЛИЙН ВИНО ҮЙЛДВЭРЛЭДЭГ
Европын улсууд өөр өөрсдийн онгцлог газрын үржил шим ёс уламжлал гэх маш олон зүйлээс шалтгаалсан өөр өөрсдийн хэрэглээний соёлтой байга. Жишээ нь Герман улсын шар айраг дэлхийд нэг номер, Франц улс бяслагаар гайхагддаг бол Унгар улсад виноны соёл нэлээн өргөн тархсан. Тус улсад 22 өөр төрлийн виноны бүс нутаг байдаг бөгөөд найман өөр төрлийн усан үзмийн мод ургадаг. Манай Монгол улс ч гэсэн таван хошуу малынхаа сүүг боловсруулан айраг, хоормог, шимийн архи хийдэг юм чинь.
УНГАРТ ОЧВОЛ ЗААВАЛ ИДЭХ ХҮНС
15 УНГАР ХҮН НОБЕЛИЙН ШАГНАЛЫГ ХҮРТСЭН
Унгарчууд нэлээдгүй оюунлаг хүмүүс байдаг бололтой. Үүний дотор Унгар улсын Нобелийн шагналыг хүртэж байсан эрдэмтэн мэргэд нэлээд алдартай. Нийт 15 Унгар хүн Нобелийн шагналыг энх тайвны төрлөөс бусад төрлүүдэд хүртэж байсан. Харамсалтай нь тэдгээрийн 13 нь эх орноосоо дүрвэж гадаадын орон руу шилжин суурьшсан.
Гэхдээ Унгар улсын ДНБ-ний 5 хувь нь боловсролын салбарт зарцуулагддаг. Үүний үр дүнд улсын хүн амын 99% нь бичиг үсэг тайлагдсан байдаг.
Мөн дэлхийд чансаагаараа дээгүүрт ордог арван их дээд сургуулиуд үйл ажиллагаагаа явуулдаг. Үүнээс Печийн их сургууль нь 1367 онд үүд хаалгаа нээсэн бөгөөд одоо дэлхийн хамгийн эртний их сургуулиудын жагсаалтад багтдаг. Мөн рубик шоо, үзгэн бал гэх мэт алдартай бүтээлүүд Унгар улсад бүтээгдсэн.
ОЛИМПЫН БҮХ ЦАГ ҮЕД АЛТАН МЕДАЛЬ АВСАН
Унгарчууд оролцож байсан бүх зуны олимпоосоо алтан медаль хүртсээр ирсэн. Хүн амынхаа тоонд харьцуулбал олимпоос авсан алтан медалийн тоогоороо тэд Финланд улсын араас хоёрдугаар байранд жагсдаг. Хамгийн алдартай спорт нь усан поло бөгөөд Унгар улсын шигшээ баг олимпын наадмаас нийт 15 медаль хүртсэн байдаг. Мөн хөлбөмбөгийн спортын арвин түүхтэй бөгөөд домогт довтлогч Лукаш Пушкашийг Унгар хүн гэдгийг та бүхэн мэдэх биз. Харин өвлийн олимпын хувьд шорт трекийн төрөл сүүлийн жилүүдэд эрчимтэй хөгжиж байгаа.
УНГАР БАС Л СОНИРХОЛТОЙ ЮМ
Бид ээж аав эмээ өвөөгөөс өвлөн ирсэн шинэ төрсөн хүүхдэд нэр сонгох уламжлалтай будаанд нэрс бичиж хийгээд шигшиж дээр гарч ирсэн нь шинэ хүнд нэр болгон өгдөг. Магадгүй энэ ази соёл байж болох ч талтай эсвэл ламаас асуудаг. Харин Унгар улсад шинээр төрсөн хүүхдэдээ эцэг эх нь дурын нэр өгч болохгүй. Унгар улсад хүүхдүүдэд өгөх боломжтой маш урт нэрсийн жагсаалт байдаг бөгөөд хэрэв таны хүүхдээ нэрлэхийг хүсэж буй нэр уг жагсаалтад багтаагүй байвал Унгарын Хэл Зохиолын Судалгааны хүрээлэнд өргөдөл өгч зөвшөөрөл авах хэрэгтэй.
