ГЕРМАН УЛС
ХБНГУ нь Манай Монгол орноос дөрөв дахин жижиг буюу 357,022 хавтгай дөрвөлжин километр газар нутагтай төв Европын орон. Нийт хүн ам нь 83.2 сая бөгөөд энэ нь тивдээ ОХУ-ын араас жагсах үзүүлэлт. Нийслэл хот нь Берлин, Герман улс 16 мужид хуваагддаг энэ нь өөр өөрсдийн гэсэн дүрэм амьдралын хэв маяг онцлогтой. Бидний мэдэхээр баруун герман зүүн герман гэж хоёр хуваагдах бөгөөд амьдралын ча нар хөгжил гэх мэт ялгаатай талууд их анзаарагдана.
ТӨРИЙН ДАЛБАА
Герман улсын төрийн далбаа нь дээрээсээ хар, улаан, шар гэх өнгийн тэнцүү хуваагдсан хөндлөн хэсгүүдээс бүрддэг. Уг далбаа нь анх 1848 онд бүтээгдэж байсан бөгөөд тухайн үедээ эдгээр үндэсний өнгөнүүд нь эв нэгдэл, эрх чөлөөг бэлгэддэг бүгд найрамдах ардчиллаас үүдэлтэй. Үндэсний бэлэг тэмдэг амьтан нь бүргэд шувуу юм.
ТҮҮХИЙН ДУРСГАЛТ ГЕРМАН
Германчууд цайз цамхаг, эртний чулуу модон гүүрэнд маш их дуртай. Тус улсын газар нутгаас ойролцоогоор 2,100 цайз тэмдэглэгдсэн байдаг. Нэг жишээ бол Герман улсын Хамбург хотод 2,500 гаруй гүүртэй дэлхийн хамгийн олон гүүртэй хот юм. Энэ мэт түүхийн дурсгалт газруудаараа тулгуурлан аялал жуулчлалын салбараа хөгжүүлдэг. Жуулчлалын Гол бүс газруудаас дурдвал
Аялагчид та бүхнийг европын орнуудаар тав тухтай аялахад тус болох үүднээс аяллын хөтчүүдийн мэдээллүүдийг хүргэж байна.
Хөтөчтэй холбогдож үйлчилгээ авахдаа бүх төрлийн эрсдэлийг дор бүрнээ нарийн тунгааж бодоорой.
Хөтчийн үйлчилгээнээс гарсан эрсдэлийг манай сайт хариуцахгүй болно.
Мэдээж манай сайт бусад аялагчдаас ирсэн өндөр үнэлгээтэй хөтчүүдийн мэдээллийг оруулж байгаа болно.
Таны сонгосон хөтчийн үйлчилгээний үнэлгээг бидэнд хүргэж бусдад тус болоорой :)
ӨРСӨЛДӨХ ЧАДВАР
Герман нь НҮБ, НАТО, Их Найм, G4 зэрэг байгууллагуудын гишүүн бөгөөд Киотогийн гэрээнд гарын үсэг зурсан. ДНБ нь дэлхийд тавд (худалдан авах чадвараар харьцуулсан), ордог. Мөн дэлхийн хамгийн том экспортлогч орон юм. Германы гадаад орнуудад үзүүлэх туслалцаа нь дэлхийд хоёрт ордог бөгөөд цэрэг армийн зарцуулалт нь зургаад орно. Герман нь амьдралын чанар өндөртэй бөгөөд нийгмийн аюулгүй байдлыг хангах нарийн системийг бий болгожээ. Германы татварын хэмжээ бусад орнуудтай харьцуулбал өндөр бөгөөд хүн цалингаасаа 30 орчим хувийг татварт төлдөг гэхдээ үүнийхээ хэрээр ажилгүйдлийн мөнгө эрүүл мэндийн даатгалын чанар үйлчилгээ бусад орнуудаас өндөр үзүүлэлттэй. Бэлэн мөнгөний тэтгэмжийг тодорхой шаардлага хангасан тохиолдолд харамгүй өгдөг гэж ойлгож болно. Жишээ нь ажлаасаа гарсан тохиолдолд бүтэн жил ажилгүйдлийн тэтгэмж авах боломжтой.
БОЛОВСРОЛТОЙ ГЕРМАН
Сүүлийн жилүүдэд Монгол залуус ч герман орныг их сонирхож сурч боловсрох сонирхолтой болсон тэгвэл Герман улсын их дээд сургуулиуд олон улсын сурагчдыг 2014 оноос хойш үнэ төлбөргүй элсүүлэх болсон. Гэхдээ их дээд сургуулиуд нь өндөр шалгууртай. Герман улсад одоогийн байдлаар 380 их сургууль 17,000 өөр чиглэлээр сурагчдад боловсрол олгож байна. Дэлхийн шинжлэх ухаан, судалгаа, инновацын нэгэн чухал цөм билээ. Тус улсад нийт 800 гаруй судалгаа, шинжилгээний институт, төвүүд байдаг бөгөөд эдгээр нь 3 үндсэн багана дээр тулгуурлан үйл ажиллагаагаа явуулдаг.
-
Их сургуулийн судалгаа, шинжилгээний институт;
-
Үйлдвэрийн дэргэдэх судалгааны төвүүд;
-
Бие даасан судалгааны төвүүд.
Нийт ард түмэнд үнэ төлбөргүй суурь боловсрол олгох зорилго бүхий үндэсний боловсролын загвар анх Германд хөгжин бий болжээ. Мөн дээд боловсролоос илүүтэй “Аусбилдунг” сонгодог энэ нь манайхаар МСҮТ-д суралцахтай адилхан гэж хэлж болно. Нийт залуусын 80 орчим хувь нь “Аусбилдунг” сургалтыг сонгодог.
ЗАЙЛШГҮЙ МЭДЭХ ГЕРМАН
Герман улс нь хамгийн өндөр хөгжил, хүчин чадал бүхий аж үйлдвэржсэн орнуудын тоонд ордог бөгөөд АНУ, Япон, Хятадын дараа орох дэлхийд дөрөвт тооцогдох хүчирхэг эдийн засагтай орон юм. Германчууд цаг хатуу баримталдаг гэдгээрээ дэлхийд алдартай. Тэд зөвхөн цаг баримтлах төдийгүй бас цагийг яг таг төлөвлөдөг. Германд дэд бүтэц, ялангуяа зам, тээврийн харилцаа маш сайн хөгжсөн. Тийм ч учраас Герман Улс нь Европ дахь олон улсын худалдааны тээвэр, ложистикийн хамгийн том төв, бараа бүтээгдэхүүний дамжин өнгөрөх гол зангилаа цэг болдог.
ДЭЛХИЙД АЛДАРТАЙ ШАР АЙРАГНЫ БАЯР
Дэлхийн шар айрагны хамгийн том баяр болох “Oktoberfest” баяр нь жил бүр 9 сарын сүүлээс 10 сарын эхэн хүртэл хоёр долоо хоногийн турш өмнөд Германы сая гарсан хүн амтай Мюнхен хотод болдог. Мөн Герман улс нь шар айргаараа дэлхийд алдартай. Жил бүрийн 10 сард Октоберфест фестивалиар ойролцоогоор 6 сая шар айраг хэрэглэдэг. Мөн Герман даяар шар айргийг өргөнөөр хэрэглэдэг ч Бавари мужид шар айраг бол зүгээр нэг согтууруулах ундаа бус өдөр тутмын хоол юм. Бавари мужийн нэг иргэн жилд дунджаар 150 литр шар айраг уудаг гэх судалгаа байдаг. Мөн Герман улс 1,500 гаруй өөр төрлийн шар айргийг үйлдвэрлэдэг.
ГЕРМАНД УУ ?
Монгол улсад хурдны дээд хэмжээ 80 км цаг бол Германы авто замын 65% орчимд нь хурдны хязгаарлалтгүй ба 100-130 км/цаг хурдтай явж болно.
Мөн алдарт “The Beatles” хамтлаг уг хотоос гаралтай
Зоогийн газар, 24/7 цагийн дэлгүүр, шатахуун түгээх станцаас бусад бүх газрууд Ням гаригт хаалттай байдаг. Бүтэн 7 хоног ажиллахгүй байх үүднээс ням гаригт амрах өдөр болгож хуульчилсан.
1663 онд дэлхийн хамгийн анхны сэтгүүл Герман улсад нийтлэгдсэн.
ГЕРМАН ЗАЙДАС 1000 ГАРУЙ ТӨРӨЛТЭЙ
Манай улсын үндсэн хүнсний бүтээгдэхүүн бол малын мах харин Герман зайдаснууд дэлхий даяар яах аргагүй алдартай. Тус улсад ойролцоогоор 1,000 өөр төрлийн зайдас байдаг бөгөөд германчууд тэднийг өдөр тутамдаа хэрэглэх дуртай. Мөн зайдаснаас гадна германчууд талханд нэлээд дуртай ба 300 гаруй төрлийн талх Герман улсад бий. Өөр нэгэн сонирхолтой баримт дэлгэхэд германчууд 16 наснаасаа эхлэн согтууруулах ундаа хэрэглэж болдог.
ХҮНИЙ ЭРХИЙН ТОД ЖИШЭЭ
Шоронгоос оргох оролдлого хийх нь Герман улсад хууль бус үйлдлээр тооцогддоггүй. Энэ нь хүний эрхийг дэмжиж байгаа үйлдэл бөгөөд германд хоригдлууд шоронгоос оргох гэж оролдоод баригдвал нэмэлт шийтгэл хүлээдэггүй гэсэн үг. Харин оргох үедээ шоронгийн өмчийг гэмтээн сүйтгэж хохирол учруулах юм бол хоригдлууд торгууль төлж хохирлыг барагдуулдаг.
400 ГАРУЙ АМЬТНЫ ХҮРЭЭЛЭНТЭЙ
Герман улсын амьтны хүрээлэнгүүд дэлхийн бусад улсуудаас хамаагүй олон төрөл зүйлийн амьтадтай. Уг улсад нийт 414 амьтны хүрээлэн байдаг бөгөөд жилд 3 сая гаруй хүн ховор амьдыг харахаар тэдгээр газруудыг зорьдог. Мөн тэнд Монгол хоёр бөхтэй тэмээг харж болно.
МОНГОЛООС ТЭС ӨӨР ГЕРМАН
Герман хүний хүйс нь нэрээс нь тодорхой байх ёстой. Хэрэв шинээр төрсөн хүүхдийн нэр нь тус хүүхдийн хүйсийг шууд танихад эргэлзээтэй байвал уг бүртгэлийн ажилчид уг нэрийг бүртгэж авахгүй байх үүрэгтэй. Мөн Манай улсад Бат-Эрдэнэ маш олон байдаг бол тус улсын хамгийн түгээмэл нэр нь Мюллер.
Германд цонх онгорхой байснаар хүмүүс ханиад томуу гэх мэт өвчин тусдаг гэж үздэг тул цаг агаар сайхан байсан ч германчууд цонхоо хаалттай чигээр нь үлдээдэг. Мөн тус улсын соёлд төрсөн өдрөө эрт тэмдэглэхийг цээрлэдэг. Хэрэв төрсөн өдрөөс чинь өмнө хэн нэгэн танд баяр хүргэх юм бол үхэх ёстой байсан цаг үеэсээ эрт үхэхэд хүргэдэг гэж үздэг байна.
Герман хүмүүс хоорондоо мэндлэхдээ гараараа даллахын оронд мод тогшихыг илүүд үздэг. Учир нь чөтгөр ариун модонд шингэх боломжгүй хэмээн германчууд үздэг. Мөн нас барсан нохойгоо гэрийнхээ хаалганы доор оршуулбал нохойн сүнс үргэлж гэрээ хамгаалдаг гэх мухар сүсэг Германд байдаг.
АМРАЛТЫН ӨДӨР МАШ ЧУХАЛ
Бүтэн сайн өдөр германчууд чанга дуу чимээ гаргадаггүй. Учир нь энэхүү өдрийг улс нийтийн амрах өдөр гэж үздэг тул хүнсний дэлгүүрүүд хаалгаа барьж хүн бүр гэртээ амардаг. Хэрэв та Герман улсад энэхүү өдөр зүлэг тэгшлэх, тоос соруулах гэх мэт чанга дуу чимээ гаргавал шийтгүүлнэ.
НЭМЭЛТ :)
Тус улсын цаг агаарын хувьд нэлээд тогтмол. Зургаадугаар сард улсын дундаж температур нь цельсийн 17 хэм байдаг бол нэгдүгээр сард -0.5 хэм хүрдэг. Харин Германд бүртгэгдэж байсан хамгийн халуун температур нь 2019 онд Лингенд цельсийн 42.6 хэм хүрч байсан удаатай.
